بنت بوند
*********
.
.
.
راجل ومراته وحياه عائليه
مع كل خروجه محاكمات دوليه
رايح فين تسأله ١٠٠ مره
وياعيني عليه لو اتأخر بره
يدخل يتسحب زي الخايف
وسط الضلمه ياعين مش شايف
فجأه يلاقي الكهربا ولعت
وزي المفتش دي كمان طلعت
لما يشوفها يقف متسمر
تسأله فين وليه اتأخر
وفي وسط كلامه تشم الصدق
بيبقى مضطر يقول الحق
ولما يطلع تعمل تفتيش
ف كل حته ومبتلاقيش
عندها عدسها بتشوف بيها
عدسه الغلطه تكبر ليها
ولو ملقيتش تقول بغرابه
عدسة ايه ديه الكدابه
ولما يعود الزوج تعبان
تعمل ف البيت مليون قلبان
وكأنها مسكت ف حرامي
عايز جلسه ب١٠٠٠ محامي
من اسألتها ولا يهربوا
اصل الرجاله ميعرفوش يكدبوا
ودي المدام ياسلام ياسلام
مش بتعدي حركه وكلام
ده لو جيمس بوند بذات نفسه
تقدر هي تكشفه وتنافسه
تحس بيتها نقطة شرطه
ولا بتعدي ولا تفوت غلطه
لو وصلتها رساله وناقصه نقطه
تسأله وتقوله اديتها لمين !!
بتحب عليا من امتى وفين ؟؟؟؟؟
ويفضل بقى يحلف ويقول
وكل عذر ولا مقبول
تقريبا حياته العائليه
بقيت يوميا محكمه دوليه .
ليست هناك تعليقات:
إرسال تعليق