حبة براح
...............
.
يارب
.
يارب .
.
يارب
نفسي في حبة برااااااح على قد احلامي
تملا سكتي افرااااح
مفروشه قدامي
ع الجنب ده بستاااااان
وجنينه ع التاني
اعيش بصوت كروااااان
حقيقه ومعاني
المح فراشه جايه
ارفرف جنبها
تحط وتقف شويه
على زهره تحبها
تاخد منها الرحيق
وتسرح كما الريشه
تصاحب عيون صديق
سارح تفكيره ف العيشه
مسنود على نخلته
والهوا مداعب عيونه
نام في حلاوة ضلته
والنومه غلبت جفونه
جنب نخلته ساقيه
بصوت ميته بتدور
الله على الساقيه
رسى فوق ساقيته عصفور
عصفور يصوصو ياسلام
صوته يريح العشاق
اكيد صوصوته كلام
فيه بيسبح الخلاق .
.
يارب ... يارب ... يارب سبحانك
ليست هناك تعليقات:
إرسال تعليق