.........
حريف
خدعت القلب النظيف
بجد تستاهل تصقيف
حريف
لعبتها صح وعلى كيفك
شاطر ولايق على زيفك
بترسم ف مشاعرك وتلون
مع كل لون عادي تتلون
ومع اللي يصونك بتخون
وعندك لعذرك ١٠٠ تأليف
بجد شاطر اوي حريف
لعبتها صح وبجداره
صياد بلا شبكه وسناره
غاوي جرح القلب اللي بيهواك
وبتجري ورا القلب اللي رماك
ولما تشوفني بترسم دور
طالع فيها اوي ومغرور
والناس فاكرينك احلى شعور
والاحساس عند الوان طيف
بجد شاطر اوي حريف
حريف
لعبتها هايل ملعوبه
هتخدعنا تاني بصعوبه
مصدقش كلامك مهما اتقال
القلب الطيب مبقاش ميال
بطل بقى تلعب على قلبي
انا فوقت وبدلت متابعي
ووقتي الضايع مبقاش ضايع
مش هشتري قلبك لو بايع
واعتبرني ماتش وعدى عليك وخسرته
او تبديل في وقت غلط بدلته
واعتبر قلبي اللي كسرته
كان مجرد وش الضيف
بجد شاطر اوي حريف
ليست هناك تعليقات:
إرسال تعليق