ليالي الحلميه

ليالي الحلميه

*************

وندق على باب النهار .. اصحي يا حلميه

صحي ولادك اللي ببدله وجلابيه

طلي مع نهارك الصاحي

ميلي بهمسه على ولاد السماحي

وروحي من بدري
آه ..صحي علي البدري

وغني موال العراقه على ناصيتك

واكتبي لحن الشهامه في نوتة غنوتك

وحشتنا لياليكي اللي راحت ومش جايه

وحشتينا ياليالي الحلميه

محلا الهوا لما يغازل ترابك

وبعبق التاريح بيطلوا احبابك

على قهوتك محلا ليالي زمان

ولمة اهاليكي وحلا سهر رمضان

ولا هزار ابن البدري مع غانم

كان ضحكهم الجميل بيفوق النايم

على نغمة صوت طبله بتدق ف شقة سماسم

ولما تمر جنبهم وتعدي من بابك

ايام الحلاوه والشقاوه ف كلام نازك

وحشتنا لياليكي اللي راحت ومش جايه

وحشتينا ياليالي الحلميه

امانه عليكم متغيروش عبق الروايه

وسيبونا بس نعيش على ذكرى البدايه

متحذفوش الصور الحلوه من جدران عنينا

سيبونا نتصور كِماله من احلام ماضينا

متدمروش المعاني اللي اتحفرت سنين

ولا تحذفوش الصبر اللي بيقويه الحنين

سيبوا معالم الماضي تروح بالسلامه

متخلوناش نندم على انكم رسمتولنا ابتسامه

وحشتنا لياليكي اللي راحت ومش جايه

وحشتينا ياليالي الحلميه

صاحبتِك

صاحبتك

**********

جايه تحكي لي عليها

جاي تقولي فيها وفيها

طيب لما شوفتي دموع عنيها

ليه ... ليه مقدرتيش حتى تواسيها

مش زمان دي كانت صاحبتك

ولا دي دنيتنا الفرح بجرح في ليل ونهار قلاب

وبننسى فى لحظه ان احنا فرحنا باغلى اصحاب

نصبح اغراب ... نصبح اغراب

ولا حد يعود من تاني بعد ما يمشي يدق الباب

وانتي اللي جايه بقصتك

جايه تحكي عن صاحبتك .
.............

ليه جايه تحكي لي عنها

معقوله هتشكي لي منها

رخصتي ليه ف تمنها

قدر قلبك وخانها




مش زمان دي كانت صاحبتك

ولا دي دنيتنا الفرح بجرح في ليل ونهار قلاب

وبننسى فى لحظه ان احنا فرحنا باغلى اصحاب

نصبح اغراب ... نصبح اغراب

ولا حد يعود من تاني بعد ما يمشي يدق الباب

وانتي اللي جايه بقصتك

جايه تحكي عن صاحبتك .

...........

مش دي اللي كنتي جنبها

ومشيتي معاها فى دربها

جايه تشكي من غُلبها

نسيتي طيبة قلبها



مش زمان دي كانت صاحبتك

ولا دي دنيتنا الفرح بجرح في ليل ونهار قلاب

وبننسى فى لحظه ان احنا فرحنا باغلى اصحاب

نصبح اغراب ... نصبح اغراب

ولا حد يعود من تاني بعد ما يمشي يدق الباب

وانتي اللي جايه بقصتك

جايه تحكي عن صاحبتك .
 ...........


اسكتي بقى لو تسمحي

بلاش في صديقتك تجرحي

نسيتي لما كنتي بتفرحي

لما من بعيد ليها تلمحي



مش زمان دي كانت صاحبتك

ولا دي دنيتنا الفرح بجرح في ليل ونهار قلاب

وبننسى فى لحظه ان احنا فرحنا باغلى اصحاب

نصبح اغراب ... نصبح اغراب

ولا حد يعود من تاني بعد ما يمشي يدق الباب

وانتي اللي جايه بقصتك

جايه تحكي عن صاحبتك .

............

اسكتي ما اهو انتي اتغيرتي

انتي اللي غلطانه خسرتي

ولا فهمتيها وقدرتي

وفاكره قال اتطورتي



مش زمان دي كانت صاحبتك

ولا دي دنيتنا الفرح بجرح في ليل ونهار قلاب

وبننسى فى لحظه ان احنا فرحنا باغلى اصحاب

نصبح اغراب ... نصبح اغراب

ولا حد يعود من تاني بعد ما يمشي يدق الباب

وانتي اللي جايه بقصتك

جايه تحكي عن صاحبتك .
 ..........
.

لو كنتوا خسرتوا الصداقه .... متضيعوش الانسانيه .

كسروا جناح الفراشه

كسروا جناح الفراشه

***************

كانت بترفرف في جنينته .... وكان بيراقبها من الشباك

كان لسه صغير يا حلاوته .... وكان بيخاف عليها من الاشواك


كانت بترفرف وترفرف

على اجمل زهره تيجي تقف

كانت عامله جنيته الموقف
وكان مبسوط وسعيد.

الوانها بتشد عيونه

بالمنظر الحلو النونو

عملت مع ورد غصونه

زي يوم العيد


وفي يوم جاله بصبح جديد

كان فرحان كان صاحي سعيد

قام يطل على حديقته

لمح فراشته وصديقته

اهي جايه هناك

لمح له طفلين حواليها

نزل ومن خوفه عليها

جرحوه الاشواك

وصل لقاها على ارضه

وهو كان مجروح برضو

وجريوا الطفلين

بعد ماكسروا لها جناحها

وحرموها ترفرف ف براحها

بقي يابا حزين


آه يابا ع الوضع المؤسف

لما جناحها صار ينزف

وكانت هتموت

خدها على ايده وشالها

من باب بيته راح دخلها

ومبقاش مبسوط

اصل الفراشه دي حريه

مش ورده تملكها ايديا

مش لون ولا صوت


واهي ايام بتفوت

كبر الطفل وبعد سنين

منسيش ابدا ظلم الطفلين

راح للحديقه بتاعتهم

كسر الفروع من جنينتهم

وكان ناوي يعود

اتصلوا الاتنين بالشرطه

والظابط شده ع النقطه

ده بيأذي ورود

سأله الظابط فى المحضر

ليه كده عملت المنظر

ماتقول جرى ايه ؟

بكى الولد وبدمع عنيه


قال والفراشه ذنبها ايه !

اكتب في المحضر بس ياباشا

دول كسروا جناح الفراشه.

ياعم سيبك

يا عم سيبك
...................
.
.
.

.
ياعم سيبك ... ده اللي ظلمك مسيره بذنبك ينظلم

ياعم سيبك .. ده انت عاملته بقلب طيب وياريت فهم

اوعه .. اوعه تعتب يوم عليه

ولا تفرح لما تنزل دمعة عينيه

ده انت لو تقدر روح له واسيه

حتى لو قال تاني ان طيبة القلب عيبك .

ياعم سيبك .

ياعم سيبك .. ده الخداع والغش عمره ما كان شطاره

ياعم سيبك ... ده اللعب على حبال الطيابه مش مهاره

اوعه .. اوعه ترد الاذيه بالاذيه

اصل حكايتك كلها ف الانسانيه

طالما مبيفهموش الكلمه ديه

يبقى بقى قدرهم كده وانت ونصيبك

ياعم سيبك .



ياعم سيبك ... ده اللي بيرخص فى نفسه تعاتبه ليه !!

ياعم سيبك .. اذا كان هو نفسه مش غاليه عليه !!

اوعه ... اوعه تعاتب اللي بيبيع المبادئ

لما تلاقيه بالشر والاذيه بادئ

متزعلش منه او عليه وابقى هادئ

ده الكلام الصح فى الوقت الغلط اكيد يعيبك

.
ياعم سيبك .... ياعم سيبك

من كلام الناس ومن وشوش اتغيرت ياعم سيبك

هتعمل ايه وسط بشر شايفين ان احساسك ده عيبك.

.
ياعم سيبك .