عصفور الليل الحزين
.............
وانا ماشي فى المغربيه ولحظة صمت تام
والقلم في ايدي زيي رافض كل الكلام
كل ما اقوله مالك ياقلم جرالك ايه
اكتب .. قول .. طيب سكت ليه
رفض القلم حتى يكتب شخبطه
جوه حبره جراح مع احزان متلخبطه
ساكت القلم .. وع الشجرهناك عصافير متنططه
بتروح العصافير فى المغربيه
والليل خلاص بيقرب نواحيه
والشمس مسافره هناك ومفارقه عنواني
بتودع اطراف الشجر وهترجع بكره من تاني
وفى ضوء الليل البسيط
عصفور حزين لا طيران ولا تنطيط
جناحاته راسيه كأنه مكسور الجناح
تعبان ياترى ولا تاه عن سكة المرواح
ياعصفور مالك وحيد
ليه انت مش سعيد
مش كنت امبارح بتغرد .. بطلت ليه تغريد
قالي هقولك حكايتي بالملي
اكتبها بشعرك لما أملي
اكتب عنوانها عصفور الليل الحزين
اللي بكى بعد الهنا وفرح السنين
واكتب اني بطلت ألف وادور
رغم ان الجناح سليم ومش مكسور
وان كان على التغريد .. مات جوايا العصفور
قولت له ليه الحزن ده وليه الألم
حسيته بينتفض الحبر جوه القلم
كأن القلم حس بألامه ودمعته
قالي القلم ما تسيبه يكمل قصته
قال العصفور كان ليا وليف هنا
اتواعدنا اننا منفارقش بعضنا
وعلى الشجره دي هنا . فى نفس المكان اللي واقف فيه انا
طار الوليف وهجر
ونسي الحنين لورق الشجر
راح يدور ع البراح
كان فاكر هيكون مرتاح
لو بعد عني وعاش سواح
لكن مع الاسف .. طمع في أكل الحَب
بعد ما سقيته من الحنان والحُب
عجبه الطيران وسط الطيور
نسي ان الحريه هي حياة العصفور
وصاده صياد العصافير
وحرمه من البراح الكبير
وياخساره جوه القفص
شوفت الوليف اتحبس
قفص دهب جميل من بره
بس القفص سجن لعصفوره حره
ياخساره على احلى وليف
ربيع البراح بدله بخريف
وحن بعدها لكل ورقه على الشجر
حن للضوء اللي كان بيبعتوه لينا القمر
لكن يا خساره .. باع البراح بخساره
واكتب ياقلم رغم حبي للبراح
لكن من غير الوليف اتكسر الجناح
ايه يفرق القفص .. عن عصفور جوه نفسه اتحبس
ده القفص مع الوليف يبقى غصون من ورد
بس ياخساره الدموع لما تغطي الشهد
روحت اشوفه فى القفص بيعمل ايه
لقيته نايم والميه والطعام حواليه
قربت من قفصه المدهب
حس بيا وقالي اهرب
قولت له هفضل معاك
لاني معرفتش فى لحظه انساك
الشجر من غيرك مبقاش بيساع
كأن اوراقه حزينه ع الوداع
قالي امشي وسيبني وعيش
وامانه ياوليف عمري متبكيش
بس لو لقيت وليف بعدي حاول متنسانيش
قالها العصفور قلبي معاك هنا
ازاي احب بعدك انا
انا هفضل معاك مش همشي واسيبك
قالت له ابعد لو فعلا هفضل حبيبك
هنا الحياه موت مش هتقدر تعيش
امشي ده انا عايزاك متكرهنيش
اوعه يغرك البراح ده بيموت فى القفص عصفور ولا بينفعه جناح ولا ريش
امشي وارحل ..واوعه تزعل
وابقى تعالى بص عليا من بعيد
واوعه لو سمعت بموتي تبطل تغريد
وغني لي دايما غنوه اكتبها على شجر السنين
وسميها غنوة عصفور الليل الحزين .
.
.
.
.
.
.
.............
وانا ماشي فى المغربيه ولحظة صمت تام
والقلم في ايدي زيي رافض كل الكلام
كل ما اقوله مالك ياقلم جرالك ايه
اكتب .. قول .. طيب سكت ليه
رفض القلم حتى يكتب شخبطه
جوه حبره جراح مع احزان متلخبطه
ساكت القلم .. وع الشجرهناك عصافير متنططه
بتروح العصافير فى المغربيه
والليل خلاص بيقرب نواحيه
والشمس مسافره هناك ومفارقه عنواني
بتودع اطراف الشجر وهترجع بكره من تاني
وفى ضوء الليل البسيط
عصفور حزين لا طيران ولا تنطيط
جناحاته راسيه كأنه مكسور الجناح
تعبان ياترى ولا تاه عن سكة المرواح
ياعصفور مالك وحيد
ليه انت مش سعيد
مش كنت امبارح بتغرد .. بطلت ليه تغريد
قالي هقولك حكايتي بالملي
اكتبها بشعرك لما أملي
اكتب عنوانها عصفور الليل الحزين
اللي بكى بعد الهنا وفرح السنين
واكتب اني بطلت ألف وادور
رغم ان الجناح سليم ومش مكسور
وان كان على التغريد .. مات جوايا العصفور
قولت له ليه الحزن ده وليه الألم
حسيته بينتفض الحبر جوه القلم
كأن القلم حس بألامه ودمعته
قالي القلم ما تسيبه يكمل قصته
قال العصفور كان ليا وليف هنا
اتواعدنا اننا منفارقش بعضنا
وعلى الشجره دي هنا . فى نفس المكان اللي واقف فيه انا
طار الوليف وهجر
ونسي الحنين لورق الشجر
راح يدور ع البراح
كان فاكر هيكون مرتاح
لو بعد عني وعاش سواح
لكن مع الاسف .. طمع في أكل الحَب
بعد ما سقيته من الحنان والحُب
عجبه الطيران وسط الطيور
نسي ان الحريه هي حياة العصفور
وصاده صياد العصافير
وحرمه من البراح الكبير
وياخساره جوه القفص
شوفت الوليف اتحبس
قفص دهب جميل من بره
بس القفص سجن لعصفوره حره
ياخساره على احلى وليف
ربيع البراح بدله بخريف
وحن بعدها لكل ورقه على الشجر
حن للضوء اللي كان بيبعتوه لينا القمر
لكن يا خساره .. باع البراح بخساره
واكتب ياقلم رغم حبي للبراح
لكن من غير الوليف اتكسر الجناح
ايه يفرق القفص .. عن عصفور جوه نفسه اتحبس
ده القفص مع الوليف يبقى غصون من ورد
بس ياخساره الدموع لما تغطي الشهد
روحت اشوفه فى القفص بيعمل ايه
لقيته نايم والميه والطعام حواليه
قربت من قفصه المدهب
حس بيا وقالي اهرب
قولت له هفضل معاك
لاني معرفتش فى لحظه انساك
الشجر من غيرك مبقاش بيساع
كأن اوراقه حزينه ع الوداع
قالي امشي وسيبني وعيش
وامانه ياوليف عمري متبكيش
بس لو لقيت وليف بعدي حاول متنسانيش
قالها العصفور قلبي معاك هنا
ازاي احب بعدك انا
انا هفضل معاك مش همشي واسيبك
قالت له ابعد لو فعلا هفضل حبيبك
هنا الحياه موت مش هتقدر تعيش
امشي ده انا عايزاك متكرهنيش
اوعه يغرك البراح ده بيموت فى القفص عصفور ولا بينفعه جناح ولا ريش
امشي وارحل ..واوعه تزعل
وابقى تعالى بص عليا من بعيد
واوعه لو سمعت بموتي تبطل تغريد
وغني لي دايما غنوه اكتبها على شجر السنين
وسميها غنوة عصفور الليل الحزين .
.
.
.
.
.
.
ليست هناك تعليقات:
إرسال تعليق