اوعه تسبب دمعه لعينيها
انت اخترت تحبها وانا اخترت اخاف عليها
انت اخترت تكون معاها وانا اخترت السعاده ليك وليها
ومش هوصيك عليك .
خد بالك من احساسها
خليك اقرب من كل ناسها
اوعه بكلمه تجرح شعورها وقلبها
خد بالك م الهوا لو عدى جنبها
انت اخترت تقرب منها وانا اخترت بيك احافظ عليها
انت اخترت تملاها فرحه وانا اخترت جواك احميها
ومش هوصيك عليها
خد بالك من صوتها ونغمته
حس بيها لما تتغير نبرته
حس بحلاوة كلامها ف الفرحه ورنته
حتى صمتها له رنه حلوه وانت عارف
طول ما انت معاها انا عليها مش خايف
انت اخترت تكلمها وانا اخترت اسكت قصاد عنيها
انت اخترت تحبها بجد انت مبروك عليها
ومش هوصيك عليك
طيب اي خدمه تاني مني
انا ماشي مينفعش افضل مستني
كل اللي يهمني هي وانك قلبك يكون متهني
انما اغني ...... مش هقدر تاني اغني .... اعذرني غصب عني
انت اخترت تحبها .. وانا اخترت اخاف عليها
انت اخترت تكون معاها ... وانا اخترت السعاده ليك وليها
مش هقولك سلم عليها ... لاني عارفك بتخاف عليها .
مش محتاج اوصيك عليك
ليست هناك تعليقات:
إرسال تعليق